Kawilujengan
saha karahayon mugi tansah pinayungan dhumateng panjenengan sedaya saha kula.
Bapak
Kepala Sekolah _________________ ingkang kula kurmati, Bapak/Ibu Guru saha
karyawan _________________ ingkang kinabekten, lan para kadang kula saking
kelas X, XI, saha XII ingkang kula tresnani saha para lenggah sedaya ingkang
kinurmatan.
Ingkang
sepisan, sumangga kita ngonjukaken puji syukur ing Ngarsa Dalem Gusti Allah SWT
ingkang sampun paring Rahmat, Hidayah, saha Inayahipun dhumateng panjenengan
sedaya saha kula, nulya kita saged makempal ing pepanggihan menika kanthi
pinaringan karahayon saha kabagaswarasan, tebih saking Rubeda, nir ing
Sambekala.
Kadang kula
kelas XII ingkang sutresna, ingkang sekedhap malih badhe nilaraken bangkuning
pawiyatan _________________ punika.Kula minangka wakilipun kelas X saha kelas
XI ngaturaken panampi atur perpisahan saking kadang kelas XII punika.Awit para
kadang kelas XII sampun kula anggep sedherek piyambak sapunika badhe nilaraken
pawiyatan punika.Nanging kados pundi malih, bilih wonten pepanggihan tamtu
badhe wonten perpisahan.Jer kula panjenengan sedaya namung manungsa limrah, mboten
kuwawi nyelaki pepesthening Gusti ingkang Maha Agung.
Kadang
kula kelas XII ingkang kinurmatan, kula minangka wakil saking kelas X saha XI
ngaturaken agunging panuwun dene para kadang kelas XII sampun paring pitedah
saha bimbingan ingkang ageng paedahipun.Mugi-mugi, panjenengan sedaya pikantuk
amal saking Gusti Pengeran ingkang Maha Asih saha Maha Welas.Ugi kula namung
saged memuji, mugi-mugi ingkang anggadhahi penggalih nglajengaken wonten ing
pawiyatan luhur sageda katampi, lan ingkang badhe langsung nyambut damel sageda
tumunten pikantul padamelan ingkang trep kaliyan ilmu ingkang sampun kaudi
wonten ing bangkuning pawiyatan punika.
Para lenggah ingkang minulya,
Cekap
semanten atur kula ing pepanggihan punika, menawi wonten kekirangan atur
kaladuking wicanten, kula nyuwun agunging samodra pangaksami.Akhirul kalam,
Wassalamu’alaikum
warahmatullahi wabarakatuh
Created by ahmad_rifai1207
Tidak ada komentar:
Posting Komentar